మా ఇంట నాగులచవితి

ఈ రోజుల్లో  సోషల్ మీడియా  వచ్చి పండుగలన్నీ ఏంటో చాలా ‘famous’ అయిపోతున్నాయి.  మేము హైద్రాబాద్ లో ఉండటం(పట్నం వాతావరణం)  వలనో ఏమో  చిన్నపుడు కొన్ని పండగలు ఇంట్లో చేసేవరకూ తెలిసేది కాదు.  అందులో  నాగుల చవితి  ఒకటి. పండగ హడావిడి  పెద్ద  కనిపించేది కాదు. బడికి సెలవ ఉండేది కాదు. మా  అమ్మ instituteకి సెలవ అసలు ఉండేది కాదు.  ఇక పండగ వచ్చిన రోజు  ఆదివారం కాకపోతే మా అమ్మకి బోలెడు హడావిడి. పొద్దున్న లేచి చిమ్మిలి, పచ్చి చలిమిడి చేసి పూజ చేసుకుని పుట్టలో పాలు పోసి వచ్చేది. 

 పుట్టలో ఆవు పాలు మాత్రమే పోయాలి అన్నది ఓ నియమం. ఇక ముందు రోజు చాలా రకాల ప్రయత్నాలు చేసి  ఓ గ్లాసుడు పాలు  ఎలాగోలా సాధించే వాళ్ళం. 1980లకే  హైదరాబాద్ లో పాల ప్యాకెట్లకి అలవాటు పడిపోయాం కదా. ఆవిడ  పుట్టకి వెళ్తుంటే  నేనూ  తయారయ్యే దాన్ని. ఏంటో చదువు మానేసి ఇలాంటివన్నీ చేయడం అంటే హాయిగా ఉండేది ప్రాణానికి 🙂 . పుట్టకి బయలుదేరుతుంటే మా తమ్ముడు యధాప్రకారం పిచ్చి ప్రశ్నలు వేసి విసిగించే వాడు మమ్మల్ని’ పుట్టలో పాము బయటికి వస్తే ఏం  చేస్తారు . పాలు  పోసి దండాలు పెడతారా? పరిగెత్తుకుని వస్తారా ? ‘ అంటూ.  అమ్మకి పిచ్చి కోపం వచ్చేది. ‘ఎందుకురా ఆ ప్రశ్నలు బయలుదేరుతుంటే ’ అనేది. 

 ఆ రోజంతా మా అమ్మ ఉపవాసం. సంవత్సరంలో ఒక్క సారి  చేసే ఆ చిమ్మిలి తినడం కోసం నేనూ ఆవిడతో ఉపవాసం ఉన్నరోజులు ఉన్నాయి. ఆ రోజు కత్తి  పెట్టుకోకూడదు అనే ఇంకో నియమం కూడా ఉండేది అనుకుంటా.  మరునాడు  ఓ బ్రహ్మచారిని  పిలిచి భోజనం పెట్టి తరువాత  తను  తినేది.  ఆ రోజు చేసే వంటల్లో నిమ్మకాయ పులిహోర, పాయసం, చిక్కుడు కాయ-వంకాయ కూర తప్పని సరిగా ఉండేవి.  అప్పుడే తాజాగా చిక్కుళ్ళు వస్తాయనో లేక కత్తి  లేకుండా తరగ గలిగే కూరగాయ  అనో   ఏమో మరి. ఆ బ్రహ్మచారి  ఎవరంటే మా తమ్ముడికి స్నేహితుడు గౌతమ్. రమ్మనగానే వచ్చేవాడు. పొద్దున్నే 8 గంటలకల్లా అన్ని రకాల వంటల తో వడ్డించేసేది మా అమ్మ. మొహమాటానికో మరి ఏమీ  అనేవాడు కాదు గౌతమ్. గౌతమ్ తో పాటు  మాకు కూడాను 🙂

అమెరికాలో  ఏ పండగకి  సెలవా ఉండదు. అయినా ఏదో పూజలు చేసేసి ఇలా ఫోటోలు  తీసి ఆనందపడతాము. ఆఫీస్, మీటింగులు  గోల. మరీ ఇంట్లోనించి పనేమో. ఒక్కోసారి పొద్దున్నే స్నానం చేసే తీరిక కూడా ఇవ్వరు. నా అదృష్టం ఈ రోజు.  ఏ హడావిడీ  లేకుండా ఇలా పూజ  చేసుకున్నాను.  ఈ రోజు చిమ్మిలి చేస్తుంటే ఇవన్నీ గుర్తొచ్చాయి.  ప్రసాదం కదా అని నోట్లో పెడుతుంటే  మా అమ్మాయి మొహం చేదుగా పెట్టి తిన్నది. ఈ చిన్న చిమ్మిలి ముక్కకోసం ఎంత ఎదురుచూసేవాళ్ళం. ఇది వీళ్ళ లెక్కలో రాదు కదా అనిపించింది.

పుట్టలో పాలు  పోయలేదా అని అడగద్దు.  అమెరికాలో పుట్టల కోసం ఎక్కడికీ వెళ్లనక్కరలేదు. పాలు  పోసి చిమ్మిలి  నైవేద్యం పెట్టే ధైర్యం ఉండాలే కానీ,  ఒక్కోసారి పెరట్లోనే  నాగదేవతలు ప్రత్యక్షమైపోతాయి :). 

One thought on “మా ఇంట నాగులచవితి”

  1. పాలు పోసి చిమ్మిలి నైవేద్యం పెట్టే ధైర్యం ఉండాలే కానీ, ఒక్కోసారి పెరట్లోనే నాగదేవతలు ప్రత్యక్షమైపోతాయి 🙂 👍😄

    మెచ్చుకున్నవారు 1 వ్యక్తి

స్పందించండి

Fill in your details below or click an icon to log in:

వర్డ్‌ప్రెస్.కామ్ లోగో

You are commenting using your WordPress.com account. నిష్క్రమించు /  మార్చు )

గూగుల్ చిత్రం

You are commenting using your Google account. నిష్క్రమించు /  మార్చు )

ట్విటర్ చిత్రం

You are commenting using your Twitter account. నిష్క్రమించు /  మార్చు )

ఫేస్‌బుక్ చిత్రం

You are commenting using your Facebook account. నిష్క్రమించు /  మార్చు )

Connecting to %s