అస్సాం & మేఘాలయ – 2

Visit to Sualkuchi village & saree shopping 

ఎక్కడికి వెళ్ళినా  చీర & చేనేత.  దానితోటే  ముడి పడిన సంస్కృతి.  ఇంత కంటే అద్భుతం ఏముంటుంది కదా 🙂 . 

 ఈశాన్య రాష్ట్రం కావడంతో సాయంకాలం తొందరగా చీకటి పడుతుంది.  పొద్దున్న  తొందరగా వెలుతురు వచ్చేస్తుంది.  మేము విమానం దిగి భోజనం చేసాక ఓ 3 గంటల సమయం ఉంది. మేము చూడాలి అనుకున్న రెండు main గుళ్ళలో  ఏ గుడికి వెళ్ళే  సమయం లేదు.  బ్రహ్మపుత్ర నదికి అవతల కొన్ని గుళ్ళు ఉన్నాయి అని గూగుల్ లో చూసాను. డ్రైవర్ వాటి గురించి అంత బాగా తెలీదు అన్నాడు. అయినా వినకుండా పద పద మని వెళ్ళమన్నాను. చాలా దూరం వెళ్ళినా  గుళ్ళ  జాడ లేదు.  అలా కాదని వెనక్కి తిరిగి   దగ్గర్లో  ఉన్న  చేనేత గ్రామానికి వెళ్ళమన్నాను.  కనుక్కోవడం చాలా తేలిక కూడా అయ్యింది.  

ఓ రెండు కొట్లు  తిరిగి , మగ్గం కూడా చూపించమని అడిగాము. వాళ్ళ పండగ ‘Bihu’ అని మగ్గం పనివారు రారు అని చెప్పి, మగ్గం మాత్రం చూపించారు. Motifs కోసం cardboard మీద కావలసిన design వేసుకుంటారు.  customized  డిజైన్ కూడా వేసి ఇస్తారు కావాలంటే.  అస్సాం వారి చీరలు రకరాలు. 600- 60000 వరకూ ఉంటాయి.  ‘Mekala Sador’ అని రెండు భాగాలుగా ఉంటుంది చీర. కొంగు భాగం. చీర భాగం.  లంగా వోణి ల ఉంటుంది. కానీ పెద్దవాళ్ళు వేసుకున్నా ఎబ్బెట్టుగా ఉండదు.  నేను మా అమ్మాయికి కొన్నాను.  చిన్న పాపల్లా feel  అయి మా టీనేజ్ అమ్మాయిలతో పోటీలు  ఓణీలు వేసుకునే  40 ఏళ్ళ టీనేజ్ ఆడవారు ఈ చీరలు కొనుక్కోవచ్చు :). Social  media లో  demand create  చేస్తే ఈ చీరలకి గుర్తింపు వస్తుంది.  Shefali గారి video  పెడతాను. చూడచ్చు. 

షాపులో చీరలు కొన్నాక, వారు టీ ఇచ్చారు. వారి పండగ అంటూ బియ్యప్పిండి, నువ్వులతో, కొబ్బరితో కజ్జికాయల్లాంటి పిండివంటలు పెట్టారు. బావున్నాయి. తిన్నాక  బిల్లు ఇచ్చేసి వస్తుంటే  కొట్టు వాళ్ళు  ఒక తెల్లటి రంగుకి ఎర్రటి బోర్డర్ ఉన్న కండువా (Gamosa అంటారట) అందరికీ కప్పి అందరి కాళ్ళకి  నమస్కారాలు చేసారు. ‘అయ్యో ఇదేంటి’ అని మేము మొహమాట పడితే  ‘ఇది మా traditional  కండువా. ఇలా వేసుకోవడం మా ఆచారం’ అంటూ చెప్పారు. ‘marketing’ అని మనం అనుకోవచ్చు. కానీ మేము అలా  అనుకోలేదు.  ఒక వేళ అలా అయినా అపురూపమైన భారతీయ చేనేత వారికి  ఈ మాత్రం ‘marketing skills ‘ ఉన్నాయి అని గర్వపడచ్చు.  

అనుకోకుండా ఇదో అనుభవం.  

ఏదైనా ప్రదేశం  చూడటానికి వెళ్తుంటే , కొంచెం రీసెర్చ్ చేస్తే  ఇట్లాంటి ప్రదేశాలు miss  అవ్వము.  అనుకోకుండా చేసిన యాత్ర అవ్వటం మూలాన కొన్ని మేము miss  అయి ఉండచ్చు కూడా.  వెళ్లి వచ్చిన నాలాంటి వారు ఇలా చెప్తే పదిమందికి తెలుస్తుంది అని ఆశ

. 

A Tour to Sualkuchi – The Silk Village of Assam

అస్సాం & మేఘాలయ – 1

‘సంకల్ప బలం’ అనేది ఉంటే అమ్మ దయ అనేది ఎలా ఉంటుంది అనడానికి నాకు లభించిన ‘కామాఖ్య’ అమ్మ వారి దర్శనం.  Dec లో మా నాన్న గారు ICU లో ఉన్నపుడు ‘l promised my wife that I will take her to Kamakhya temple in Assam. I couldn’t take her’ అని చెప్పారు. రెండు సార్లు book చేసి cancel చేసారుట. అదీ ఆయన బాధ. ‘అలాంటివి ఇపుడు ఏమీ అడగకండి. మీ ఆరోగ్యం బావుంటే చాలు’ అంది అక్క. ఓ నవ్వు నవ్వి ఊరుకున్నారు. మేము ఆయనకి ఏ మాటా ఇవ్వలేదు. కానీ అమ్మవారు ఊరుకుంటారా మరి? 

 అమ్మని కాస్త ఎక్కడైనా తిప్పుదాం అని ఆలోచించి చాలా casual గా గౌహతి చూస్తే Hyderabad నుంచి nonstop flights ఉన్నాయి. ఆలోచన రాగానే మా ఆడపడుచుని కూడా అడిగాను. సరే అన్నారు. వెంటనే book చేసాము. అన్నీ అనుకున్నట్లే జరిగాయి. నాలుగు రోజుల్లో ముగ్గురం అన్నీ చూసి వచ్చాము.

డిసెంబర్ లో భారత్  వచ్చి వెళ్ళాక  జనవరి 5న ఓ టపాలో వ్రాసిన మాటలు ఇవి “ఒకటి  మాత్రం  నిర్ణయించుకున్నాను.   ఇక పై ఒక్క వారం  రోజుల సెలవు సమయము ఉంటేభారత్  తప్ప ఇంకో చోటికి వెళ్ళను అని. చూడవలసినవి, చేయవలసినవి చాలా ఉన్నది  భారత్ లోనే అని నా ఉద్దేశ్యం.  ఆ వారం సమయం లేకపోతే అమెరికాలో చుట్టు  పక్కల ప్రదేశాలకి వెళ్లడం.  భారత్  లో చూడవలసిన అద్భుతాలు చూడటానికి జీవితం సరిపోదు”

ఈశాన్య రాష్ట్రాల వైపు నా నాలుగు రోజుల mini trip  అయ్యాక ఖచ్చితంగా అదే మాట మళ్ళీ  మళ్ళీ చెప్తున్నాను. ఊరు ఊరుకి , రాష్ట్రం దాటగానే సంస్కృతి మారిపోతుంది.  కానీ ప్రతీ ఒక్కడూ భారతీయుడే. సద్గురు గారు చెప్పినట్లు  తెలిసో తెలీకుండానో  ప్రతీ ఒక్కరూ మాట్లాడేది ‘మోక్ష మార్గం & కర్మ సిద్ధాంతం’ గురించే. 

ఇలా సాగింది మా నాలుగు రోజుల ప్రయాణం. 

 3 Nights/4 Days

 Day 1  – Hyd to Guwahati . Visit to Sualkuchi village & saree shopping 

 Day 2 –  Kamakhya  &  Umananda temples 

 Day 3  –  Shillong  & Cherrapunji -Water falls & Sight seeing

Day 4  –  Umiam lake sight seeing – Return back to Hyd

  

భారతీయులకి  foreign country  అంటే ఎంత పిచ్చి అంటే లక్షలకి లక్షలు ఖర్చు పెట్టి సింగపూర్ లాంటి  దేశాలు చూస్తారు  కానీ భారత్  లో ఇటువంటి అందమైన ప్రదేశాలు ఉన్నాయి  అని కూడా  అనుకోరు . ఇవన్నీ ఏదో  తీర్థయాత్రలు , పెద్దవాళ్ళకే  అన్న అపోహలో ఉంటారు.  మీ దేశంలో  టూరిజం ని  మీరే  మెచ్చుకోకపోతే ఎవరు చూస్తారు?  స్విట్జర్లాండ్ చూసి బావుంది అనుకున్నాను. కానీ అంతకు మించి ఉంది మేఘాలయ అనిపించింది నాకు.  ఈ లెక్కన సిక్కిం ఎలా ఉంటుందో  ఇక ఊహించుకోవచ్చు. భారతీయులు తమ దేశంలో స్థలాలు చూసి/చూపించి  టూరిజం ని  ప్రోత్సహించాలి. 

మళ్ళీ తీరిక దొరికినపుడు ఇంకొన్ని విశేషాలతో ..